DYP postunda 5 kq narkotiklə tutulan sürücü barədə YENİ FAKTLAR - VİDEO

Xəbər verdiyimiz kimi, Baş Dövlət Yol Polisi İdarəsinin YPX Alayının Sabirabad postunun əməkdaşları avtomobildə narkotik vasitə daşıyan sürücünü saxlayıb. Avtosfer.az-ın əldə etdiyi məlumata görə, 1976-cı il təvəllüdlü Zəfər Haqverdi oğlu Səfərov spirtli içkinin təsiri altında olmaqla avtomobili nömrəsiz idarə edirmiş. Nömrə sonradan maşının yük yerində aşkarlanıb. Sürücünün sürücülük vəsiqəsi və avtomobilə dair etibarnaməsi də olmayıb. Özünü şübhəli aparan Zəfər Səfərovun avtomobilinə baxış keçirilərkən 5 kq-a yaxın narkotik vasitə aşkar edilib.

Araşdırmalar zamanı məlum olub ki, bu şəxs əvvəllər də narkotik maddələrin alveri ilə məşğul olduğu üçün məhkəmə tərəfindən 1 il 4 ay şərti cəza verilib. Cəzasını çəkib qurtarmamış yenidən narkotik alverinə başlayan Zəfər Səfərovu bu dəfə daha ağır cəza gözləyir.

Faktla bağlı araşdırma aparılır.

Orxan