DYP təhlükəli yolla bağlı sürücülərə xəbərdarlıq etdi

Baş Dövlət Yol Polisi İdarəsi Cəlilabad rayonu ərazisində təbii fəlakət nəticəsində yolda yaranmış vəziyyətlə bağlı sürücülərə xəbərdarlıq edib. İdarədən Avtosfer.az-a verilən məlumatda bildirilir ki, Ələt-Astara avtomobil yolunun Cəlilabad rayonu ərazisindən keçən 127,2-ci km-də Alar qəsəbəsini sel sularının basması təhlükəsi yarandığından yolun hərəkət hissəsinin qazılmasına zərurət yaranıb. Bu səbəbdən həmin ərazidə nəqliyyat vasitələrinin alternativ olaraq istiqaməti dəyişdirilib. Belə ki, hər 2 istiqamətə gedən mink avtomobilləri Üçtəpə-Ocaqlı kənd yollarından keçməklə hərəkətlərini davam etdirə bilirlər. Lakin bütün növ yük avtomobillərinin qeyd olunan istiqamətlər üzrə hərəkəti müvəqqəti olaraq dayandırılıb.

Elmin