Egey dənizində ölümsüz 100 gün

Dünyanın ən böyük insanlıq dramlarından birinə şahidlik edən və yüzlərlə miqranta  məzar olan Egey dənizi son vaxtların ən sakit günlərini yaşayır. Avtosfer.az Anadolu Agentliyinə istinadən məlumat verir ki, Egey dənizində 100 gündür ölüm yaşanmır. Daxili qarışıqlıq, iqtisadi və siyasi qeyri-müəyyənlik ucbatından ölkələrini tərk edərək daha yaxşı bir həyat ümidilə Avropaya keçməyə çalışan köçkünlərin kütləvi miqrasiyası mart ayından sonra demək olar ki, dayanıb. Məlumata görə, 2014-cü ildən bu yana Egey dənizinin Türkiyə sektorunda 521 miqrant həyatını itirib. Mart ayından bu yana bu ərazidə boğulma halı qeydə alınmayıb.