Əhalinin kreditlərinə ediləcək güzəştlə bağlı - Açıqlama

”Əhalinin 5 min manatadək olan kreditlərinə hökümət tərəfindən güzəşt edilmə məsələsi qərara alınsa belə, bu, yaxşıca yoxlanılmalıdır”. Avtosfer.az-ın anspress-ə istinadən verdiyi məlumata görə, bunu maliyyə naziri Samir Şərifov Mir Şahinə müsahibəsində deyib. Telejurnalistin “Müəyyən miqdar civarında kreditləri olan əhaliyə hökümət tərəfindən güzəşt olunacaqmı?” sualına nazir belə cavab verib: “Əgər güzəşt edilmə məsələsi qərara alınsa, onda bu yaxşıca yoxlanılmalıdır. Hesab edirəm ki, hökumət tərəfindən böyük bir addım artıq atılıb. Bu addımlardan ən əsası, dövlət başçısının insanların banklara yerləşdirdiyi əmanətlərlə bağlı idi. Yəni, əgər bank bağlansa dövlət söz verir ki, yüz faiz, vətəndaşın qoyduğu əmanətin məbləği ona qaytarılacaq. Bu həmçinin bank sektoruna dövlət tərəfindən böyük bir dəstək hesab olunur.”

Samir Şərifov həmçinin əlavə edib ki, Azərbaycanda banklar istehlak kreditlərini yüksək faizlə verirlər və bununla da yüksək gəlir əldə edirlər: “Bu məsələlər ətrafında müzakirələr davam edir”, – deyə Şərifov bildirib.