Ekspert: "BTQ dəmir yolu iştirakçı ölkələrin iqtisadiyyatının artımına xidmət edəcək"

Bakı-Tbilisi-Qars dəmir yolu layihəsinin reallaşdırılması iştirakçı ölkələrin iqtisadiyyatının artımına xidmət edir. Avtosfer.az xəbər verir ki, bunu Trend-ə “InfraNews” tədqiqat mərkəzinin baş direktoru, nəqliyyat sahəsində ekspert Aleksey Bezborodov deyib. Ekspertin sözlərinə görə, layihənin reallaşdırılması sərhədyanı ticarətin artımına gətirib çıxaracaq ki, bu da lokal tranziti genişləndirəcək. O qeyd edib ki, layihənin icra olunmasından sonra qida, ağac emalı və digər məhsulların istehsalı genişlənə bilər. Bunun əsasında layihənin iştirakçısı olan ölkələr öz iqtisadiyyatlarını artıra bilərlər.