Elan edilən ucuz aviabiletlər niyə satılmır? - VİDEO

Bir neçə ay əvvəl "Azərbaycan Hava Yolları"nın aşağı büdcəli brendi Bakıdan avropaya 49 avroya uçuş təqdim etdi. AZALJET, 28 mart tarixindən etibarən uçuşları yerinə yetirdi. Amma hazırda lou-kost yəni ucuz biletləri tapmaq müşkül məsələyə çevrilib. Ucuz bilet istəyənlər yalnız sentyabr ayınının 20-dən sonra boş yer tapa bilir

AZAL- mart ayında AZALJET brendi altında bir çox ölkəyə bir tərəfli qaydada 49 avrodan başlayan qiymətlərlə uçuşların təşkil olunduğunu açıqlamışdı. Amma elan edilən - İstanbul, Antaliya, Kiyev, Moskva, Sankt Peterburq, Kazan, Dubay və digər şəhərlərə 49 avroya uçmaq müşkül məsələyə çevrilib. Düzdür, yerlərin məhdud olduğu AZAL tərəfindən açıqlansa da , ümumiyyətlə bilet tapmaq olmur.

Bu günlərdə qapı-qapı gəzib ucuz aviabilet axtarmayın. Çünki, olan bir iki yer də artıq bron edilib. İnsanlar isə bu halı özlərinin aldadılması kimi xarakterizə edirlər. AZAL-ın mətbuat xidmətindən isə bildirildi ki, AZALJET-də ucuz biletlər var lakin sayıları məhduddur. Dünya praktikasına uyğun olaraq AZAL-da yerləri məhdud sayda təqdim edir. Vətəndaşlar isə daim azalın saytını nəzarətdə saxlayaraq boş yerlər haqqında məlumat əldə edə bilərlər. Çünki kassalara getmədən, “online” qaydada daha tez, bilet almaq mümkündür.