Elariz: "Aygün Kazımova "Zaparoji"mdən düşmürdü"

Müğənni Elariz Məmmədoğlu xalq artisti Aygün Kazımova ilə bağlı etiraflar edib. Avtosfer.az axşam.az-a istinadən xəbər verir ki, sənətçi "Günə davam" verilişində aparıcının "Aygün Kazımova restoranların birində çalışanda sən də orada işləyirdin. Yeni ayrılmışdı, körpə uşağı var idi, çətin günlər yaşayırdı. Ona həmin ərəfədə sən kömək etdin. İndi dostluğunuz davam edir" sualına belə cavab verib:

"Bəlkə bu söhbəti etməyək? Sənətdə ilk addımları idi. Eyni restoranda çalışırdıq, çox çətin günlər yaşayırdı. Mənim "Zaparoji"m var idi. İşi bitən kimi gedib otururdu onda, düşmürdü. Aparırdım onu Biləcəriyə evinə. Elə olurdu ki, polis də yolda saxlayırdı. O vaxt İlqarəni də ora-bura o qədər aparırdım. Çox gənc idi. Bizim möhkəm dostluğumuz var idi. İndi isə biz ancaq sənət dostuyuq. Aygün Kazımova o etdiklərimi dəyərləndirmir, həyatdır, olan şeydir, incimirəm".