Ələt-Astara yolunda duman maşınların hərəkətində problemlər yaradıb

Biləsuvarda duman avtomobillərin hərəkətində problemlər yaradıb. Avtosfer.az-ın "Report”a istinadən məlumatına görə, gecə saatlarından etibarən rayon ərazisində dumanlı hava şəraiti müşahidə olunmağa başlayıb. Güclü duman rayon ərazisində, Ələt-Astara magistral avtomobil yolunun Biləsuvar rayonundan keçən hissəsində avtomobillərin hərəkətində çətinlik yaradıb. Bu səbəbdən də nəqliyyat vasitələri aşağı sürətlə hərəkət edirlər.

Həmçinin dumanlı hava rayonun bir neçə kənd yollarında da müşahidə edilir. Sözügedən ərazilərdə bu dəqiqəyə hər hansı yol-nəqliyyat hadisəsi qeydə alınmayıb.