Əllidən çox aviareys ləğv edildi - Moskva aeroportlarında

Moskva aeroportlarında 50-dən çox aviareys ləğv edilib və 9 reys gecikdirilib. Şeremetyevo aeroportunda reyslərin çoxu ləğv edilib. Avtosfer.az Oxu.Az-a istinadən xəbər verir ki, bu barədə məlumat Yandeks portalında yerləşdirilib. 

Domodedovo aeroportunda üç reys ləğv edilib, daha üç reys gecikdirmə ilə yerinə yetirilib. 

Şeremetyevoda altı reys gecikdirilib, 53 reys ləğv edilib. 

Vnukovo aeroportunda daha bir reys gecikdirilib.

Hidrometroloji mərkəzin məlumatına görə, dekabrın 5-də Moskvada bəzi yerlərdə güclü qar, çovğun gözlənilir, gündüz saatlarında buludlu hava şəraiti olacaq. Gündüz küləyin sürəti 7-12 m/s, bəzi yerlərdə 15-20 m/s olacaq.