Ən çox şikayət edilən marşrut xətlərinin siyahısı - RƏSMİ

202 nömrəli marşrutda qadınla sürücü arasında mübahisə düşüb. Nəqliyyat Nazirliyinin Nəqliyyatı İntellektual İdarəetmə Mərkəzinin 141 qaynar xəttinin mətbuat katibi Rauf Mirqulamov Cebhe.info-ya açıqlamasında bu haqda məlumat verib. R.Mirqulamov Qaynar Xəttə daxil olan zənglərlərin bir qisminin şikayət, bir qisminin isə məlumat xarakterli olduğunu deyib:“Gün ərzində Qaynar Xəttimizə təxminən 150-yə yaxın zəng daxil olur. Şikayətlərin əsas məzmunu yüksək sürət, dayanacaqdan kənar saxlama, sərnişinlərlə düzgün rəftar edilməməsidir”.

R.Mirqulamovun sözlərinə görə, son günlər daha çox 202, 211, 36, 48, 91,  93, 85,11, 124 nömrəli marşrut xətlərindən şikayətlər daxil olub. Bununla yanaşı bəzi xətlər üzrə intervalın uzun olması da sərnişinlərin şikayətinə səbəb olub. 

R.Mirqulamov onu da qeyd edib ki, ən çox şikayət 202 nömrəli marşrut xəttindən daxil olub. Elə bu gün də qaynar xəttə belə bir şikayət daxil olub: “Şikayətlərin böyük qismi 202 nömrəli marşrut xəttindən daxil olub. Şikayətçi qadın sürücünün onunla kobud rəftar etdiyini iddia edib. Məsələ ilə bağlı araşdırma aparırıq. Qarşı tərəfin də fikrini öyrənəcəyik”.