Ermənilər erməni əlili azərbaycanlı kəşfiyyatçı bilib işgəncə verdilər

Erməni hərbiçiləri azərbaycanlı kəşfiyyatçı hesab etdikləri 31 yaşlı erməniyə işgəncələr veriblər. Zərərçəkmiş erməni Alix Zakaryanın anası bu barədə özü açıqlama verib. Ana oğlunun yaşadığı dəhşət barədə erməni mətbuatına danışıb. Hadisə 2014-cü ilin iyul ayında baş verib. 31 yaşlı erməni Alix doğmalarının məzarını ziyarət etmək üçün qəbiristanlığa gedib. Bu zaman Ermənistan Müdafiə Nazirliyinin dövlət nişanı olan avtomobilindən avtomatla silahlanmış adamlar düşərək onu əhatəyə alıblar. Əllərinə qandal vuraraq, onu azərbaycanlı təxribatçı bilib diz çökdürüblər, çirkli su içməyə məcbur ediblər. Onu möhkəm döydükdən sonra polis bölməsinə aparıblar. Oğlunun əllərini bağlayıb, 5 saat yarım ağlasığmaz işgəncələr veriblər. 

Ana bildirib ki, oğlu erməni olduğunu desə də, ona inanmayıblar. Oğlunun əlində erməni kitabı olsa da, "bu kitabdan azərbaycanlılar da var" deyərək ona inanmayıblar. 

Erməni ananın sözləri görə, erməni hərbiçiləri onun əlil oğlu üzərindəki təhqir və zorakılıqları bölmədə də davam etdiriblər. Əlləri bağlı halda köynəyini başına keçirib, azərbaycanlı olduğunu boynuna qoymaq istəyiblər. Oğlunun şalvarını dartıb cırıblar, fotosunu çəkib azərbaycanlı olub-olmadığını aydınlaşdırmaq istəyiblər:

Oğlunu evə gələndə dəliyə oxşadan ananın sözlərini təqdim edirik: "Alix sankı dəliyə oxşayırdı, dəhşətli dərəcədə qorxmuşdu. Şalvarı cırıq-cırıq idi. Bütün sifəti gömgöy, gözləri qan içərisində idi. Hələ də sümükləri ağrıyır. Polis bölməsindən mənə dedilər ki, bir iş idi olub, şikayət etmə. Əgər şikayət etsən, sənin oğlunun boynuna elə cinayətlər qoyarıq ki, özün də məəttəl qalarsan", deyən ana polisdən də qorxduğunu bildirib. 

big.az