Ermənistanın turizm şirkətləri Kəlbəcərlə Şuşadan imtina etdilər

Hər il Azərbaycanın işğal olunmuş rayonlarının anım gününü qeyd etdiyimiz zaman ermənilər həmin rayonların işğal gününü öz aralarında “azadlıq günü” kimi qeyd edirdilər. Xüsusən, Kəlbəcər rayonunda məskunlaşmış ermənilər hər il aprelin 2-ni toy, bayram kimi qeyd edirdilər. Onlar bununla bağlı keçirdikləri tədbirlərin şəkillərini də paylaşırdılar. Bu il isə ermənilər Kəlbəcərin işğal gününü toy, bayram kimi qeyd edə bilmədilər.Bununla bağlı bir şəkil belə paylaşmadılar. Görünür son cəbhə hadisələri erməniləri xeyli əndişələndirib.

Ermənistan mediası yazır ki, hətta hər il Qarabağa turistlik marşurutlar təklif edən bu ölkənin turizm şirkətləri bu il Qarabağın adın hallandırmırlar. Ermənistanda bir çox turizm şirkətləri var idi ki, Kəlbəcərə, Şuşaya marşurutlar təklif edirdilər. İndi həmin şirkətlər yalnız Ermənistan daxilində xidmət təklif edirlər.