Fətullah Gülən: "Günahkarı tapmaq istəyirlərsə..."

Türkiyədə hərbi çevriliş etməkdə günahlandırılan Fəthullah Gülən hadisələrdən xəbərsiz olduğunu deyib. Avtsofer.az axar.az-a istinadən bildirir ki, "Röyter"ə açıqlama verən Gülən hadisənin araşdırılması üçün beynəlxalq qrup yaradılmasını təklif edib:

"Çevriliş cəhdinin arxasında kim olduğunu bilmirəm. Ekstradisiya edilməyimlə bağlı müraciət ediblərsə, buna görə də narahat deyiləm. Günahkarı tapmaq istəyirlərsə, hərbi çevrilişə cəhdin araşdırılması üçün beynəlxalq qrup yaradılsın".

Qeyd edək ki, Fətullah Gülənin təşkil etdiyi mətbuat konfransına Türkiyə media orqanlarının nümayəndələri buraxılmayıb. Mətbuat konfransı zamanı ABŞ-ın müxtəlif ştatlarından gələn yüzlərlə insan Gülənin iqamətgahının qarşısına toplaşaraq etiraz aksiyası keçirib.