Formula 1-ə görə qoyulan güllər yığışdırılmayıb - FOTOLAR

Bir neçə gündür ki, sosial şəbəkələrdə Formula 1 ərəfəsində şəhərin mərkəzi küçələrinə qoyulmuş gül dibçəklərinin yığışdırılması geniş müzakirəyə səbəb olub. Həmin ərəfədə şəhərin “Tarqovı” adlanan ərazisindəki binaların eyvanları gül dibçəkləri ilə bəzədilmişdi. Bu da şəhərə estetik görünüş verirdi. Yarışdan sonra isə bu dibçəklərin yığışdırılması ilə bağlı yayılan məlumat müsbət qarşılanmayıb. “Qafqazinfo”nun əməkdaşları da məlumatı dəqiqləşdirmək üçün şəhərin mərkəzi hissəsinə yollanıb. Məlum olub ki, eyvanlara qoyulmuş dibçəklər hələ də öz yerindədir. Bina sakinləri də təsdiqlədi ki, eyvanlardan hər hansı bir dibçək götürülməyib.

Məsələylə bağlı Səbail rayon İcra Hakimiyyəti ilə əlaqə saxladıq. Bildirildi ki, sözügedən dibçəklərin qoyulması və ya yığışdırılması ilə onların hər hansı bir əlaqəsi yoxdur.

Dibçəklərin yığışdırılması ilə bağlı yayılmış foto:

Hazırda mərkəzi küçələr: