"Formula-1" yeni müqavilə imzalamaq istəyir - Sinqapurla

"Formula -1" yarışlarının rəsmi nümayəndəsi Berni Ekklstoun Sinqapurla yeni müqavilə imzalamaq istədiklərini dilə gətirib.

Avtosfer.az ölkə.az-a istinadən xəbər verir ki, Berni Ekklstounun bəyanatına görə, onun "Sinqapur Qran-Pri"si haqda dedikləri düzgün anlaşılmayıb.

Qeyd edək ki, bir müddət əvvəl Berni bəyan etmişdi ki, Sinqapur Qran-Pri yarışları keçirmək istəmir. Ekklstounun sözlərinə görə, əslində hələ dəqiq qərar verilməyib və təşkilatçılar yeni müqavilə imzalamağa hazırlaşır.

"Formula-1" rəsmisi bildirib ki, Sinqapurun yarışlara davam edəcəyinə ümid edir: "Mənim sözlərim düzgün anlaşılmayıb. Mən qeyd etmişdim ki, hələ heç bir qərar alınmayıb. Danışıqlar aparılır, nəticəyə görə hər şey aydın olacaq. Biz Sinqapura səfər etməyi xoşlayırıq və bunu itirmək isəmirik. İlin sonuna qədər məsələ həll ediləcək".