“Formula1”ə görə bağlanan bu yollar açıldı; bəziləri hələ bağlı qalıb – RƏSMİ AÇIQLAMA

Sentyabrın 19-da paytaxtda başlayan “Formula 1 Azərbaycan Qran Prisi” sentyabrın 21-də başa çatdı. Yarış müddətində şəhərin bir çox küçə və prospektləri bağlanmışdı.

Avtosfer.az xəbər verir ki, bu gün səhər saatlarından etibarən artıq bəzi küçələrdə hərəkət yenidən bərpa olunub. Nefçilər prospektinin bir hissəsi, “İçərişəhər” metrostansiyası ətrafındakı küçələr sürücülər üçün açılıb. Hazırda İstiqlaliyyət prospekti ilə Azərbaycan prospektinə hərəkət etmək mümkündür. Eyni zamanda, Neftçilər prospektinə də düşmük olar. Amma Azadlıq meydanının yaxınlğında yol hələ bağlıdır. Yalnız Rəşid Behbudov küçəsinə dönə bilərsiniz.

“Bakı Şəhər Halqası” Əməliyyat Şirkətindən verilən məlumata görə, bu gün və sabah hissəli şəkildə yollarda hərəkətin tamamilə bərpası nəzərdə tutulub.

Eltac Zülfüqaroğlu