Fransa şirkəti Bakıda metronun yenidən qurulması işində əməkdaşlıqda maraqlıdır

“Fransa Azərbaycanda metronun yenidən qurulması işində əməkdaşlıqda maraqlıdır”. Avtosfer.az fins.az-a istinadən xəbər verir ki, bunu Fransa Xarici İşlər və Beynəlxalq İnkişaf Nazirliyinin kontinental Avropa idarəsinin rəisi Florans Manjən Azərbaycan xarici işlər nazirinin müavini Xələf Xələfovla görüşü zamanı deyib. O qeyd edib ki, ölkəsi Şimal-Cənub və Şərq-Qərb dəhlizi layihələrində iştirak etməkdə, habelə hava nəqliyyatı sahəsində əməkdaşlığa maraq göstərir. Görüşdə, həmçinin qarşılıqlı maraq doğuran regional və qlobal xarakterli məsələlər ətrafında geniş müzakirələr aparılıb.