Gədəbəyin bu kəndində yol problemi həll olundu - Avtosfer.az-a müraciət ETMİŞDİLƏR - VİDEO

Gədəbəy rayonu Dəyəqarabulaq kəndində abadlıq işləri aparılır. Bu barədə kənd sakinləri Avtosfer.az-a müraciət ediblər. Onların sözlərinə görə, Gədəbəy Rayon İcra Hakimiyyətinin başçısı Orxan Mürsəlovun göstərişinə əsasən kəndin yararsız vəziyyətdə olan yolları xüsusi texnikalarla qaydaya salınır.

Belə ki, uzun illərdir əziyyət çəkən sakinlər yolların düzəldiyini sevinc hissiylə qeyd edərək İcra başçısına təşəkkürlərini bildiriblər. Eyni zamanda onlar kəndin digər problemlərinin də qısa zamanda aradan qaldırılacağına ümidli olduqlarını ifadə ediblər. 

Qeyd edək ki, kənd sakinlərinin şikayəti ilə bağlı bir müddət əvvəl saytımızda mövzu ilə bağlı xəbər dərc olunmuşdu.

Nərmin