Gediş haqlarını süni artıran sürücülərə qarşı tədbir görülüb - FOTO

Bir müddətdir ki, Biləsuvardan Bakı istiqamətində sərnişindaşımada qiymət artımı müşahidə olunur. Avtosfer.az xəbər verir ki, bu barədə “Report”un Aran bürosu yerli sakinlərə istinadən xəbər verir ki, süni qiymət artımını yaradaraq ondan faydalananlar mikroavtobus sürücüləridir. Belə ki, Bakıya gedən hər bir sərnişinlərdən gediş haqqı olaraq 5 manat alınır ki, bu da Tarif Şurası tərəfindən nəzərdə tutulan məbləğdən 2 manat 10 qəpik çoxdur. Sürücülər əksər hallarda bunu avtovağzal rəsmilərindən gizlətmək üçün biletdən də istifadə etmirlər. Maraqlıdır ki, sərnişinlərin əksəriyyəti qiymətlərin üzun müddətdir ki, süni şəkildə şişirdilməsindən xəbərsiz olublar.

Eyni vəziyyət Biləsuvardan digər cənub rayonlarına hərəkət edən sərnişindaşımasda da müşahidə olunur.

Vətəndaşların müraciətləri əsasında ərazidə reyd keçirən Dövlət Avtomobil Nəqliyyatı Xidmətinin əməkdaşları mövcüd faktları araşdırıb müvafiq tədbir görüblər.

Aparılan reyd zamanı ümumilikdə 6 sürücü barəsində inzibati protokol tətbiq olunub. Analoji tədbirlərin digər rayonlarda da keçirilməsi nəzərdə tutulub.