Gəmidən 1 ton kokain çıxdı

İspaniyanın Valensiya şəhərində polis gəmilərin birində 1,1 ton kokain aşkar edib. Avtosfer.az-ın Trend-ə istinadən məlumatına görə, polis narkotik vasitələrin yoxlama zamanı iki konteynerdə tapıldığını qeyd edib. Polis həmin gəminin ABŞ-ın Kaliforniya ştatından gəldiyini bildirib. Qeyd olunur ki, bu, İspaniya polisinin son bir ay ərzində aşkar etdiyi dördüncü iri həcmdə narkotik vasitədir. Ümumilikdə 2017-ci il ərzində İspaniyada 30 tondan çox kokain, 20 tona yaxın marixuana və 440 kiloqram heroin aşkarlandığı bildirilir.