Gənc oğlan metro kartına görə bıçaqlandı - Bakıda

Bakıda gənc oğlan metro kartına görə bıçaqlanıb. Avtosfer.az "Report"a istinadən xəbər verir ki, hadisə Yasamal rayonu ərazisində, metronun "İnşaatçılar" stansiyasının çıxışında baş verib. Belə ki, 1991-ci il təvəllüdlü Yusifov Ramin Ələddin oğlu metrodan çıxan zaman tanımadığı orta yaşlı kişi (hələlik adı məlum deyil) ona yaxınlaşaraq metro kartının olub-olmadığını soruşub. R.Yusifov yox cavabı verəndə naməlum şəxs onu bıçaqlayıb. Yaralı xəstəxanaya yerləşdirilib. Hadisə yerinə Yasamal Rayon Polis İdarəsinin 29-cu Polis Bölməsinin əməkdaşları gəlib. R.Yusifovun izahatı alınıb. Faktla bağlı araşdırma aparılır.