Gəncə-Naxçıvan reyslərinin bahalaşması ilə bağlı - AÇIQLAMA

Tarif Şurası beynəlxalq reyslər üzrə qiymətlərə heç bir zaman qarışmayıb. 

Amma daxili qiymətləri Tarif Şurası müntəzəm olaraq tənzimləyir. Bilirsiz ki, Ermənistan üzərindən hava məkanı bağlıdır.

Biz Gəncə-Naxçıvan uçuşlarını bərpa etmək istəyirdik. Gəncədən bu gün Naxçıvana uçmaq üçün İran üzərindən giriş-çıxış, yəni marşrut Bakıdan daha uzun əmələ gəlir. 

Avtosfer.az xəbər verir ki, bu sözləri jurnalistlərə açıqlamasında AZAL-ın vitse-prezidenti Arif Məmmədov bildirib. “Bununla bağlı biz Tarif Şurasına müraciət etmişdik. Reyslər səmərəli deyildi. Onlar iki dəfə buna baxdıqdan sonra, 60 manat məbləğində tarifə razılıq veriblər”, - deyə o qeyd edib. 

“Bakıdan Naxçıvana tarif 70 manatdır. Biz 50 manat sərnişinlərdən, 20 manat isə hökumətdən kompensasiya alırıq. Amma Gəncə-Naxçıvan reyslərində bu kompensasiya yoxdur”, - deyə vitse-prezident əlavə edib. Qeyd edək ki, Tarif Şurası tərəfindən Gəncə-Naxçıvan aviareysi üzrə sərnişindaşıma xidmətinin tarifinin yuxarı həddi 60 manat səviyyəsində təsdiqlənib.