Gəncədə yanacaqdoldurma məntəqəsi satıldı

Əmlak Məsələləri Dövlət Komitəsi tərəfindən mayın 2-də özəlləşdirmə hərracı keçirilib. Komitədən Avtosfer.az-a verilən məlumata görə, hərracda özəlləşdirilən əmlaklardan 5-i kiçik dövlət müəssisəsi, 11-i istifadəsiz qeyri yaşayış sahəsidir. Budəfəki hərracda ən yüksək qiymətə özəlləşdirilən əmlak Gəncə şəhərində yerləşən 18 saylı yanacaqdoldurma məntəqəsi olub. Beləki, adıçəkilən əmlak 510 min 750 manata özəlləşdirilib. Həmin yanacaqdoldurma məntəqəsinin torpaq sahəsi 1800 kv.m, ümumi faydalı sahəsi isə 16,6 kv.m təşkil edir.  Bundan başqa, paytaxtın Xəzər rayonunda yerləşən Tibb məntəqəsi də qiyməti ilə digərlərindən fərqlənir. Özəlləşdirilən həmin əmlakın qiyməti 190 min manatdır. Ümumi faydalı sahəsi 1179 kv.m, topaq sahəsi isə 4632 kv.m təşkil edir.