Gəncədən paytaxt istiqamətində sərnişin sayı artıb - FOTO

Bayram günlərində Gəncə şəhəri və ətraf bölgələrdən Bakı şəhərinə 1500- dən çox sərnişin səfər edir.

Avtosfer.az "Teleqraf"a istinadən xəbər verir ki, Gəncə Beynəlxalq Avtovağzalında gücləndirilmiş iş rejimi tətbiq edilib.

Qrafik üzrə paytaxta 21 avtobus ayrılıb. Ehtiyac yaranacağı təqdirdə nəqliyyat vasitələrinin sayı artırılacaq. Bu gün bayramın son günü olduğu üçün sərnişin sayı xüsusi ilə müşahidə olunur.

Biletlərin qiymətində isə hər hansı suni artım qeydə alınmayıb. Əvvəllər olduğu kimi biletlər 13 manat 10 qəpik qiymətinə satılır. Biletlərin əksəriyyəti online formada alınıb.

Qeyd edək ki, Gəncə Avtovağzalından Bakıya çıxacaq son reys saat 19:00- da yekunlaşacaq.