Girovluqdan çıxarılan Akarın boynundakı - İzin səbəbi

Türkiyə Silahlı Qüvvələrinin Baş Qərargah rəisi Hulusi Akar hərbi çevrilişə cəhddə girovluqdan azad edildikdən sonra gündəmə çevrilib. “Qafqazinfo” xəbər verir ki, NTV telekanalı müzakirələrə yol açan generalın boynundakı izin səbəbini açıqlayıb. Kanal iddia edir ki, bu qırmızı ləkə məhz girovluq zamanı əmələ gəlib. Belə ki, Silahlı Qüvvələrin çevrilişə cəhddə iştirak edən üzvləri Akarın boynuna kəmər salıblar. Toqqanın sıxılmağından rəisin boynunda iz qalıb.

Məlumata görə, general “Bəyanatı imzalasaz sizin həyatınız üçün heç bir təhlükə olmayacaq”, - sözləri ilə təhdid olunub. CNN Türk-un yazdığına görə isə artıq Hulusi Akar girovluqda başına gələnlər haqda TBMM-in toplantısında danışıb.

O da qeyd edilir ki, Akar boynundakı izi itirmək üçün dünənki iclasa qapalı pencək geyinib.