Gömrükçülərin səhvi sürücüyə baha başa gəldi - FOTO

Qırmızı körpü keçid məntəqəsində avtomobil qəzası baş verib. Avtosfer.az xəbər verir ki, bu barədə "report"a avtomobilin sahibi bildirib. Hadisə Yevlax rayon sakini Sübhan Abdullayevə məxsus "JEEP" markalı avtomobilin evakuatorun üzərində Gürcüstan istiqamətində aparılması zaman qeydə alınıb. Belə ki, gömrük əməkdaşları avtomobilə baxış keçirib, lakin onlar baxış keçirdikdən sonra avtomobilin qapılarından birini bağlamağı yaddan çıxarıblar. Nəticədə avtomobilin açıq qapısı gömrükçülərin olduğu inzibati binaya dəyib və avtomobil evakuatorun üstündən düşərək əzilib. Maşın sahibinin sözlərinə görə, avtomobilə 1000 manata yaxın məbləğdə ziyan dəyib.