Goranboyda sürücü sükan arxasında ürək tutmasından ölüb

Goranboy rayonunda sürücü sükan arxasında ürək tutmasından ölüb. Avtosfer.az-ın "Report"a istinadən məlumatına görə, rayon sakini 1948-ci il təvəllüdlü Həsən Məhəmməd oğlu Məmmədov idarə etdiyi "VAZ-2107" markalı avtomobillə hərəkətdə olan zaman halı dəyişib. Sürücü avtomobilini yolun kənarına çəkib. Yaxınlıqda olan sakinlər Təcili Tibbi Yardım Stansiyasına məlumat veriblər. Hadisə yerinə gələn həkimlər sürücünün öldüyünü görüblər. Sürücünün sükan arxasında infarkt keçirərək öldüyü məlum olub.

Faktla bağlı araşdırma aparılır.