Göyərtəsində 31 nəfərin olduğu gəmi yoxa çıxıb

Göyərtəsində 31 nəfərin, o cümlədən 20 çinli turistin olduğu gəmi Malayziya sahillərində itib. Avtosfer.az "Report"a istinadən xəbər verir ki, Sabah ştatının inzibati mərkəzi olan Kota-Kinabalu şəhərindən Menqalum adasına yola düşmüş gəmi ilə əlaqə yanvarın 28-də kəsilib. Agentliyin məlumatına görə, yanvarın 29-da Çinin Kota-Kinabaludakı Baş Konsulluğu gəminin göyərtəsində 20 çinli turistin olması xəbərini təsdiqləyib. Hazırda axtarış-xilasetmə işləri aparılır.