Güclü fırtına həyatı iflic etdi: Avtobus reysləri təxirə salındı

Türkiyədə fırtına səbəbiylə bəzi şəhərlərdə, əsasən də İstanbulda həyat iflic olub. Avtosfer.az Türkiyə mətbuatına istinadən xəbər verir ki, fırtına güclü olduğundan yerli vaxtla saat 17:00-a kimi bütün daxili və xarici avtobus səfərləri təxirə salınıb.

Bursa və Balıkesirdə sürəti saatda 60 kilometrə çatan külək piyada sakinlərə ciddi əngəllər törədib. Məlumata görə, dünən gecədən başlayan və bu gün bir az da kəskinləşən fırtına zibil yeşiklərini, simit arabalarını aşarıb. Meteoroloqlar fırtınanın saatda 80 kilometrədək sürətlənəcəyini proqnozlaşdırırlar. Dənizdən əsən güclü külək balıqçıların da işini çətinləşdirib. Belə ki, balıqçı gəmiləri dəniz səfərlərini təxirə salmaq məcburiyyətində qalıb.