Güclü qar səbəbindən 130 uçuş ləğv edilib - Brüssel aeroportunda

Brüssel hava limanında 130 aviareys ləğv olunub. APA-nın “İnterfaks” agentliyinə istinadən verdiyi xəbərə görə, buna əlverişsiz hava şəraiti (güclü qar və zəif görüntü) səbəb olub. Uçuş-eniş zolağının buz bağlaması aeroportda vəziyyəti daha da çətinləşdirib. Bundan əlavə Belçikada şaxtalı hava şəraiti ilə əlaqədar avtomobil yollarında çox sayda qəzalar qeydə alınıb. Hazırda ölkə ərazisində tıxacların ümumi uzunluğu 500 km-ə çatıb.