Gürcüstan hava yollarının Tbilisi-Moskva istiqamətində 4 reysi ləğv olunub

Gürcüstan hava yolları “Georgian airways" Rusiya tərəfinin bir həftədə Tbilisi-Moskva istiqamətində 4 reysi ləğv etdiyini bildirib.Avtosfer.az “Report”a istinadən xəbər verir ki, “Rusiyanın aviasiya rəhbərliyi tərəfindən "Georgian airways"in Kazan istiqamətində uçuşundan imtina edilib. İndi isə aviasiya rəhbərliyi gözlənilmədən “Georgian airways" bir həftədə Tbilisi-Moskva istiqamətində 4 uçuşu ləğv etdiyi barədə məlumat göndərib”. Məlumatda qeyd olunub ki, Gürcüstanın İqtisadiyyat və Davamlı inkişaf Nazirliyi Rusiya tərəfinin qərarına reksiya vermir. Qeyd edək ki, Rusiya və Gürcüstan 2014-cü il sentyabrın 15-dən iki tərəf arasında müntəzəm reyslərin bərpa olunduğunu elan edib. Gürcüstan hava yolları Moskva istiqamətində həftədə 14-18 uçuş həyata keçirir.