“Hafka”nın şirkətinin apellyasiya şikayəti təmin edilməyib
Gündəm
24 Noyabr 2017 10:17
Oxunub 1054
Lakin borcun məbləği açıqlanmayıb
“Azərbaycan Beynəlxalq Bankı” ASC-nin iddiası əsasında “Bakı Taksi” MMC və “Baghlan Group” MMC-yə qarşı məhkəmə çəkişməsi davam etdirilib.
“Report”un məlumatına görə, Bakı Apellyasiya Məhkəməsində “Bakı Taksi” MMC və “Baghlan Group” MMC-nin verdiyi apellyasiya şikayətinə baxılıb.
Hakim Afaq Nuriyevanın sədrliyi ilə keçirilən iclasda MMC-lərin apellyasiya şikayəti təmin edilməyib, birinci instansiya məhkəməsinin çıxardığı qətnamə dəyişdirilmədən saxlanılıb.
Qeyd edək ki, “Azərbaycan Beynəlxalq Bankı” ASC “Bakı Taksi” MMC və “Baghlan Group” MMC-ni məhkəməyə verib. 1 saylı Bakı İnzibati-İqtisadi Məhkəməsinə müraciət edən Bank borcun tutulması barədə tələb irəli sürüb.
Lakin borcun məbləği açıqlanmayıb.
Məhkəmə iddianı təmin edib.
Qərardan narazı qalan MMC-lər apellyasiya şikayəti veriblər.
Xatırladaq ki, “Baghlan Group”un sahibi “Hafka” kimi tanınan iş adamı Hafiz Məmmədovdur.
ŞƏRH YAZ
DİGƏR XƏBƏRLƏR
