“Hamilton ağlamamalıdır” - Formula 1 rəhbəri

Formula1-in rəhbəri Berni Ekklstoun Luis Hamiltona haqqında danışıb. Avtosfer.az f-1.az-a istinadən xəbər verir ki, son iki mövümdə gülərüz və şən olan Hamilton bu il istədiyi nəticələri qazana bilmir.

Ekklstoun məşhur pilotun uğursuzluğundan danışaraq bunları deyib: “Hamiltonla danışdım. Mövsümün bitməsinə 17 yarış var və hələ də çempionluq şansı var. Dünyanın sonu deyil. Hamilton ağlamamalıdır. Yarış qazanıb çempion olanda heç şikayət etmirdi. Hazırkı vəziyyətə baxmayaraq, çempion ola bilər. Buna inanıram”.

Sabiq Formula1 sürücüsü və 1997-ci ilin Dünya Çempionu Jak Vilnöv də bu barədə fikirlərini bildirib. O, Niko Rosberqin nəticələri haqqında da danışıb: “Niko Rosberq uğura daha acdır. Aradakı fərqin də səbəbi budur. Hamilton hələ də qalib gəlmək istəyir. Əgər məndən soruşsanız, çempionluq bəzi səbəblərə görə Hamilton üçün əvvəlki kimi vacib deyil. Hamilton bir müddətdən sonra geridönüş edəcək. O yəqin ki, bunu düşünüb yoxsa belə getsə, fanlarını itirməyə başlayacaq və bu, qətiliklə onun istədiyi şey deyil”.