"Hava limanına daxil olarkən bəzi narahatlıqlar ola bilər"

Heydər Əliyev aeroportunda təhlükəsizlik tədbirləri gücləndirilib.

Avtosfer.az apa-ya istinadən bildirir ki, bunu jurnalistlərə "Azərbaycan Hava Yolları" QSC-nin (AZAL) vitse-prezidenti Arif Məmmədov deyib. "Brüssel aeroportunda terror aktının törədilməsindən sonra Azərbaycanda hansı təhlükəsizlik tədbirləri görülüb" sualına cavab verən vitse-prezident bunu bildirib: "Əməliyyat planına uyğun olaraq Heydər Əliyev aeroportda təhlükəsizlik tədbirləri gücləndirilib. Təbii ki, hava limanının ərazisində daxil olarkən bəzi narahatlıqlar ola bilər. Lakin nəzərə almaq lazımdır ki, bunlar sərnişinlərin təhlükəsizliyi ilə əlaqədardır".