Hava limanında evakuasiya elan edildi

Böyük Britaniya polisi "şübhəli bağlama" aşkar edildikdən sonra Lids-Bradford beynəlxalq hava limanında evakuasiya elan edib. Avtosfer.az-ın Trend-ə istinadən verdiyi məlumata görə, bu haqda Daily Mail qəzeti xəbər verib. Məlumata görə, evakuasiya nəticəsində bir çox təyyarə digər hava limanlarına yönəldilib, bəzi reyslər yubanıb. Hava limanına enən təyyarələrin sərnişinləri 1 saata yaxın təyyərin içində gözləməli olublar. Hazırda hava limanı bağlanıb, hadisə yerində polis əməkdaşları işləyir.