Hava limanında partlayış anı Azərbaycan voleybolçuları İstanbulda olublar

Voleybolçu qadınlardan ibarət Azərbaycan milli komandası Slovakiya ilə Avropa Liqasının final matçına yollanarkən problemlə üzləşib. Avtosfer.az xəbər verir ki, Azərbaycan Voleybol Federasiyasının (AVF) mətbuat xidmətindən report-a verilən məlumata görə, yığma üzvləri Türkiyənin İstanbul şəhərində ikən Atatürk Hava Limanında terror aktı törədilib.

Xoşbəxtlikdən, Faiq Qarayevin baş məşqçisi olduğu komanda hadisə vaxtı hava limanında olmayıb. Lakin onlar İstanbulda hələ də uçuşların bərpa olunmasını gözləyir.

AVF Türkiyəyə başsağlığı verir, terrora "yox" deyir. Qeyd edək ki, Slovakiya ilə ilk oyun iyunun 30-da səfərdə, cavab görüşü iyulun 3-də Bakıda olacaq.