Həbsxanaya qardaşı üçün telefon keçirərkən tutuldu - BAKIDA

Penitensiar xidmətin əməliyyat aparatının həyata keçirdiyi əməliyyat-axtarış tədbirləri nəticəsində 3 saylı istintaq təcridxanasına mobil telefon keçirilməsi cəhdinin qarşısı alınıb. Lent.az xidmətin saytına istinadən xəbər verir ki, Cinayət Məcəlləsinin 144.2.3; 144.2.5; 144.2.6 və 234.4.3-cü maddələrinə əsasən təqsirli bilinərək həbs edilmiş şəxs Əmirxanlı Rövşən Elşən oğlunun yanına qısamüddətli görüşə gəlmiş qardaşı Bakı şəhər sakini Əmirxanlı Natiq Elşən oğlunun üzərinə və əşyalarına baxış keçirilərkən corabının içində gizlətdiyi daxilində danışıq kartı olan 1 ədəd “Vertex” markalı mobil telefon aparatı aşkar edilib.

Qeyd olunan faktla bağlı araşdırma aparılır.