Hələb qan gölünə döndü: təxliyə avtobusları yaxınlığında partlayış - 112 ölü

Suriyanın Hələb şəhərinin Raşidin rayonunda təxliyə avtobusları yaxınlığında törədilmiş partlayış nəticəsində ölənlərin sayı 112 nəfərə çatıb. Avtosfer.az “Report”a istinadən xəbər verir ki, Raşidin rayonunda törədilən terror aktı nəticəsində ölənlər arasında qadınlar, uşaqlar da var. Hadisə zamanı 130-dan çox dinc sakin xəsarət alıb. İlkin məlumatda sərnişin avtobuslarının dayandığı yanacaqdoldurma məntəqəsi yaxınlığında kamikadzenin özünü partlatdığı bildirilirdi. Fua və Kefrayə yaşayış məntəqələrindən təxliyə edilmiş sakinlərin olduğu avtobusların bir qismi terrorçuların nəzarəti altında olan Raşidin rayonu ərazisində qalıb.