Helikopterin qəzaya uğraması nəticəsində 4 nəfər ölüb

Braziliyada helikopter qəzası baş verib. Avtosfer.az xarici mətbuata istinadən xəbər verir ki, hadisə San Paulu şəhərindən 60 kilometr məsafədə, Sau-Lourens şəhərində, yerli vaxtla saat 16:30-da alınıb. Helikopter yerə düşdükdən sonra yanmağa başlayıb. Qəza zamanı pilot, kişi və 2 qadın da daxil olmaqla 4 nəfər həlak olub. Ölkənin hərbi polisinin məlumatına görə, qəzada həlak olmuş qadınlardan biri hamilə imiş. Hadisənin başvermə səbəbləri araşdırılır.