Həmyerlisini avtomobil açarı ilə xəsarət yetirdi - Goranboy sakini

Goranboy rayon sakini həmyerlisinə avtomobil açarı ilə xəsarət yetirib. Avtosfer.az Daxili İşlər Nazirliyinin (DİN) mətbuat xidmətinə istinadən xəbər verir ki, hadisə yanvarın 16-da rayonun Xanqərvənd kəndi ərazisində baş verib.

Belə ki, həmin kəndin sakini Üzeyir İsmayılov münaqişə zəminində həmkəndlisi Pərvin Seyidovun qarın nayihəsinə avtomobil açarı ilə daxilə nüfuz edən xəsarət yetirib.

Goranboy Rayon Polis Şöbəsinin (RPŞ) əməkdaşlarının həyata keçirdikləri əməliyyat-axtarış tədbirləri nəticəsində Ü.İsmayılov tutulub.

Faktla bağlı araşdırmalara başlanılıb.