Hərbi Prokurorluqda peşə bayramı münasibəti ilə tədbir keçirilib

Respublika Hərbi Prokurorluğunda 1 oktyabr - Prokurorluq işçilərinin peşə bayramı günü və milli prokurorluğun yaradılmasının 98-ci ildönümünə həsr olunmuş tədbir keçirilib.

Avtosfer.az xəbər verir ki, bu barədə Prokurorluğun mətbuat xidmətindən apa-ya verilən məlumata görə, tədbirdə çıxış edən hərbi prokuror Xanlar Vəliyev bildirilib ki, Azərbaycanın hərbi prokurorluq orqanlarının strukturunun təkmilləşdirilməsi və fəaliyyətinin səmərəliliyinin artırılması məqsədilə Respublika Hərbi Prokurorluğunda kadrlar və hüquqi təminat şöbəsi, xüsusi istintaq və maddi-texniki təminat şöbələri, eləcə də prezidentin sərəncamı ilə Zaqatala Hərbi Prokurorluğu yaradılıb.

X.Vəliyevin sözlərinə görə, Hərbi Prokurorluğunun maddi-texniki bazasının müasir standartlar səviyyəsində daha da möhkəmləndirilməsi sahəsində işlər görülməklə bir neçə yeni inzibati bina tikilib və əsaslı təmir olunub.

Sonda hərbi prokuror, ədliyyə general-leytenantı Xanlar Vəliyev xidmətdə fərqlənən bir qrup əməkdaşa hərbi rütbələr təqdim edib.