Heydər Əliyev Beynəlxalq Hava Limanının sərnişin dövriyyəsi rekord vurub

Heydər Əliyev Beynəlxalq Hava Limanı 2016-cı ildə 3,26 mln. sərnişinə xidmət göstərib ki, bu da Azərbaycan mülki aviasiya tarixində rekord göstəricidir. Avtosfer.az xəbər verir ki, bu barədə Heydər Əliyev Beynəlxalq Hava Limanının mətbuat xidmətindən apa-ya verilən məlumata görə, sərnişin dövriyyəsinin 83,5%-i beynəlxalq daşımaların payına düşüb. 2016-cı ildə Bakıya "Azərbaycan Hava Yolları" QSC (AZAL) də daxil olmaqla 28 sərnişin aviaşirkəti uçuşlar yerinə yetirib. Xaricə gedən sərnişinlərin 51,3%-i AZAL-ın payına düşüb. İstanbul, Moskva, Dubay və Kiyev ən populyar beynəlxalq istiqamətlərin siyahısına liderlik edib - ötən il bu şəhərlərə sərnişin dövriyyəsi 1,37 mln. nəfər təşkil edib.