İki hərbi təyyarə səmada toqquşdu; biri yerə çırpıldı

ABŞ-ın Hərbi Hava Qüvvələrinə məxsus iki təyyarənin iştirakı ilə qəza baş verib. Avtosfer.az xəbər verir ki, hadisə Kaliforniya ştatı səmasında qeydə alınıb. Bu barədə “İnterfaks” məlumat yayıb.

Agentliyin məlumatına görə, beşinci nəsil “F-35B” qırıcısı havada, “KC-130J” yanacaq doldurma təyyarəsi ilə toqquşub. Qəzadan sonra “F-35B”in pilotu katapult edə bilib, qırıcı isə yerə çırpılıb, digər hava gəmisi uçuş-eniş zolağına kimi uçub və müvəffəqiyyətlə eniş edib.

Bildirilir ki, hadisə nəticəsində ölən və ya xəsarət alan olmayıb.

Qəzanın baş vermə səbəbləri araşdırılır.

Namiq Musayev