İran BƏƏ-yə məxsus gəmidən 28 nəfəri xilas edib

İran Fars Körfəzində batan Birləşmiş Ərəb Əmirliyinə məxsus gəminin ekipajından 28 nəfəri xilas edib.

APA-nın Tehran bürosunun məlumatına görə, batan gəmidə 30 ekipaj üzvü olub. 28 nəfər xilas olunaraq Buşəhr şəhərinə gətirilib. Qəzada 1 nəfər həyatını itirib, 1 nəfər itkin düşüb.

Qeyd olunub ki, fırtına səbəbindən itkin düşən gəmiçinin axtarışları müvəqqəti dayandırılıb.