İran sərhədində qalan azərbaycanlı TIR sürücüləri vətənə keçib - VİDEO

Gündəm 12 Fevral 2024 12:09 Oxunub 1342
İran sərhədində qalan azərbaycanlı TIR sürücüləri vətənə keçib  - VİDEO
WhatsApp kanalımıza abunə ola bilərsiniz

İrandan üçüncü ölkəyə tranzit olaraq yük daşıyan Azərbaycan vətəndaşı olan TIR sürücüləri 3 aydan sonra vətənə keçə bilib. Avtosfer.az xəbər verir ki, bu barədə sürücülər sosial şəbəkələrdə video paylaşıblar.

Bu müddət ərzində Azərbaycan Yerüstü Nəqliyyat Agentliyi (AYNA) sürücülərlə maraqlanıb və aidiyyəti üzrə qarşı tərəflə danışıqlar aparıb. Nəticədə sürücülər sərhəddən buraxılaraq Azərbaycana keçiblər. Yaydıqları videomüraciətdə sürücülər onlara kömək edən dövlət orqanlarına təşəkkürlərini bildirib.

Xatırladaq ki, Azərbaycan üzərindən keçməklə Rusiyaya yuyucu toz aparan sürücülərin sənədlərində problem olduğu əsas gətirilərək sərhəddə saxlanılıb.

Rusiyaya daşınan yük İran şirkətinə məxsus olub. Daha əvvəl də videomüraciət yayan sürücülər idda edirdilər ki, onların avtomobilləri  müsadirə olunaraq Rəşd şəhərinə aparılacaq. Bundan sonra məhkəmə prosesi keçiriləcək ki, bu da ən azı 2-3 il vaxt alacaq.

Fərid

ŞƏRH YAZ
Ad

E-mail

Şərh