İran təyyarə qəzası ilə bağlı Ukrayna ilə danışıqlara başlayır  

"İran və Ukrayna arasında olan təzminat mövzusu ilə bağlı danışıqların ilkin mərhələsini müsbət qiymətləndirmək olar". Bu barədə İranın  Kiyevdəki səfiri Mənüçöhr Moradi bildirib. “İyulun 30-u və 31-də Kiyevdə keçirilən İranın Ukraynaya təzminat ödəməsi ilə bağlı məsələnin müzakirəsi konstruktiv və məhsuldar olub. Müzakirələrin ikinci mərhələsi oktyabrda Tehranda baş tutacaq”, deyə - səfir bildirib. 
Xatırladaq ki, yanvarın 8-də Tehranda 176 nəfərin ölümü ilə nəticələnən təyyarə qəzası baş verib. İranın hava hücumundan müdafiə sistemi Ukrayna Hava Yollarına məxsus sərnişin təyyarəsini raketlə səhv salaraq zərbə endirib. (Modern.az)