İrana məxsus yük maşınları Türkiyə sərhədində qaldı - SƏBƏB

Yeni yanacaq vergisi qanununa görə İrana məxsus yük maşınları Türkiyə sərhədində qalıb.

Avtosfer.az xəbər verir ki, bu barədə “Iran International” məlumat yayıb.

Suriyadakı hadisələrlə bağlı Tehran və Ankara arasında gərginliyin artması və Bəşər Əsədin hakimiyyətinin devrilməsindən sonra Ankara İran yük maşınlarının ölkədən çıxarkən yanacaq vergisi ödəməkdən azad edilməsinə dair qanunu ləğv etmək qərarı ilə yüzlərlə yük maşını Türkiyə-İran sərhədində qalıb.

Bu qərara görə, mindən çox yük maşını Bazarqan sərhədində və İran və Türkiyənin digər sərhəd bölgələrində saxlanılıb.

Eyni zamanda, İran tərəfi tranzit yük maşınlarının Naxçıvan sərhədindəki Poldəşt gömrüyündən keçməsinin mümkün olmadığı bildirilib.