İranda bəzi aeroportların fəaliyyəti bərpa edildi

İran hakimiyyəti iyunun 25-dən ölkənin şərqindəki hava limanlarının fəaliyyətini bərpa edib.

Avtosfer.az xəbər verir ki, bu barədə İranın Yol və Şəhərsalma Nazirliyi məlumat yayıb.

Bildirilir ki, İran ölkənin şərq hissəsi üzərində səmanı daxili, beynəlxalq və tranzit uçuşlar üçün açıb.

Aşağıdakı şəhərlərin hava limanları fəaliyyətini bərpa edib: Səbzevar, Məşhəd, Bircənd, Zabol, Zahedan, Saravan, Çabahar, İranşəhr, Sərəxs, Qonabad, Ciroft və Cask.