İranın əsas aeroportları bağlandı – RƏSMİ

İran mediası bildirib ki, şənbə günü İsrailə raket və dron hücumlarından sonra təhlükəsizliklə bağlı narahatlıqlar səbəbindən İranın əsas hava limanlarına və oradan uçuşlar aprelin 15-i səhər saat 6-ya qədər dayandırılıb.

Bu barədə məlumatı ISNA agentliyi yayıb.

İran Hava Limanları və Hava Naviqasiya İdarəsi Şirkətinin sözçüsü Rza Karqar ISNA-ya bildirib ki, Tehran, İsfahan, Şiraz, Buşehr, Həmədan, İlam, Sənəndəc, Təbriz, Ərdəbil, Urmiya, Kirmanşah, Xürrəmabad, Əhvaz, Abadan da daxil olmaqla, demək olar ki, bütün hava limanlarından uçuşların təxirə salınması barədə məlumat verilib.

İmam Xomeyni Beynəlxalq Hava Limanının baş direktoru qeyd edib ki, xəbərdarlığın müddəti uzadılacağı təqdirdə uçuşlar ləğv edilməyə davam edəcək və xəbərdarlıq uzadılmadığı təqdirdə uçuşlar bərpa olunacaq.

Musavat.com