İsraildə ölənlərin sayı 200-ə, Qəzzada isə 232-yə çatdı - YENİLƏNİB

İsraildə ölənlərin sayı 200-ə, Qəzzada isə 232-yə yüksəlib.

Bu barədə “Telegram” kanalları məlumat yayıb.

***

“HƏMAS”ın İsrailə hücumu nəticəsində ölənlərin sayı 150 nəfərə çatıb.

Hadisə nəticəsində 1104 sakin yaralanıb.

***

Bu gün səhər saatlarında Qəzza zolağından İsrailə endirilən çoxsaylı raket zərbələrindən sonra ölənlərin sayı 40-ı keçib. 

Qeyd edək ki, yaralananların sayı 770-i keçib. 

***

HƏMAS-ın İsrailə hücumu nəticəsində yaralananlardan 545 nəfəri xəstəxanaya yerləşdirilib.

Bu barədə İsrail Səhiyyə Nazirliyi məlumat yayıb.

Bildirilib ki, hadisə nəticəsində azı 22 nəfər ölüb. Ancaq ölənlərin sayının artacağı istisna edilmir.

***

Son məlumatlara görə, İsrailə raket zərbələri nəticəsində azı 22 nəfər ölüb, 300-dən çox insan yaralanıb.

Bu barədə “The Times of Israel” məlumat yayıb.

Ən azı 20 nəfər ağır və ya kritik xəsarətlər alıb. İsrail hakimiyyəti ölkə ərazisinə iki mindən çox raket atıldığını bildirib.

Xatırladaq ki, bu gün səhər HƏMAS qruplaşması Qəzza zolağından İsrail ərazisinə hücum edib, raket atəşinə başlayıb.

(report)